I lidh furnizuesit e teknologjive të gjelbra me bizneset dhe pronarët e shtëpive progresive

Platforma online të cilin e ka zhvilluar Banka Evropiane për Rindërtim dhe Zhvillim (BERZH), e nxit implementimin më të shpejtë të teknologjive të gjelbra duke e thjeshtësuar procesin e vendimmarrjeve për investime.

Platforma i bashkon blerësit e mundshëm me furnizuesit e teknologjive të gjelbra që janë miratuar paraprakisht si të pranueshëm për programet e financimit të BERZH-it nëpërmjet institucioneve financiare partnere lokale.

Teknologjitë e gjelbra sigurojnë përfitime afatgjata financiare dhe mjedisore që e rrisin rezistencën e bizneseve dhe pronarëve të shtëpive.

• Blerësit e teknologjive mund të marrin vendime informuese për blerje dhe të fitojnë qasje më të lehtë në mjetet financiare
• Furnizuesit e teknologjive sipas kërkesave mund ta rrisin dukshmërinë e produktit midis blerësve potencialë që janë të gatshëm të investojnë
• Institucionet financiare mund t'u ndihmojnë klientëve që të bëhen më rezistues ndaj ngjarjeve të lidhura me energjinë dhe me ndryshimet klimatike.

Green Technology Selector aktualisht është duke promovuar afërsisht 39,000 teknologji me më shumë se 2,600 furnizues, që si rezultat i kanë rreth 15,000 teknologji të blera për çdo vit.

Blerësit mund t’i identifikojnë furnizuesit e teknologjive të gjelbra që institucionet financiare partnere duan t’i financojnë.

Furnizuesit sipas kërkesave mund t’i regjistrojnë teknologjitë e veta pa pagesë dhe të hyjnë në tregjet ku blerësit e gatshëm për investime tashmë e kanë qasjen e sigurt për financim.

Institucionet financiare mund t’i reduktojnë kostot e transaksionit duke iu referuar teknologjive që tashmë janë vlerësuar të pranueshme për programet e financimit të BERZH-it.

Si përcaktohen teknologjitë 'e gjelbra'?

Green Technology Selector promovon teknologji që janë në përputhje me parimet, politikat dhe praktikat e BERZH-it. Kjo përfshin standardet e integritetit të Bankës, politikën e ruajtjes së mjedisit jetësor dhe politikën sociale, dhe udhëzuesit teknikë për tranzicionin e ekonomisë së gjelbër.

• Këto teknologji kontribuojnë dukshëm në zbutjen dhe përshtatjen e ndryshimeve klimatike, dhe/ose përfitimet e tjera mjedisore në krahasim me praktikat e zakonshme të tregut.
• Kriteret minimale të performancës janë vendosur për çdo kategori të teknologjisë, dhe bazohen në rishikimin e rregullt të performancave të tregut dhe atributeve të pajtueshmërisë.
• Furnizuesit e ruajnë përditësimin e informacioneve për produktin për çdo produkt teknologjik dhe janë të obligueshëm t’i regjistrojnë atributet e teknologjive të veta, të cilat vlerësohen sipas kritereve të përshtatshmërisë dhe të cilat i rishikojnë ekspertët tanë teknikë.
• Produktet teknologjike që nuk i përmbushin këto kritere hiqen.

Çfarë janë teknologjitë e gjelbra me performanca të larta?

Teknologjitë e gjelbra me performanca të larta i nënkuptojnë produktet që përputhen me Kriteret e kontributit që i ka përcaktuar BERZH-i për vendin e përzgjedhur. Kriteret e kontributit janë përcaktuar sipas kategorive të teknologjisë, sipas vendit. Ato e kërkojnë përmirësimin e kontributit prej të paktën 20% përtej nivelit bazë për teknologjitë tipike zëvendësuese, që e pasqyrojnë gjendjen në tregun lokal, duke përfshirë kostot e teknologjisë dhe pjekurinë e tregut. Në këtë mënyrë promovohet vetëm segmenti i teknologjive me kontribute të larta të cilat gjenden në tregjet lokale.

Green Technology Selector është zhvilluar me mbështetjen financiare të Ministrisë Federale për Financa të Austrisë